Myndir og lýsing frá vettvangi, áður en síminn hringir
Þegar viðskiptavinur eða starfsmaður lendir í atviki á vegum úti skráir hann atvikið í símanum. Starfsfólkið ykkar fær myndir, staðsetningu og lýsingu strax, í stað þess að púsla upplýsingunum saman úr símtölum og tölvupóstum.
Þú nærð í okkur á meda@meda.is
Þegar upplýsingar af vettvangi vantar
Ökumaður hringir frá vegkantinum, oft stressaður. Myndirnar koma daginn eftir, ef þær koma. Bílnúmerið er skráð, en staðsetningin er bara „einhvers staðar á Suðurlandsvegi“. Starfsfólkið hringir til baka til að spyrja það sem gleymdist.
Með Meda skráir ökumaðurinn þetta strax á staðnum: réttar myndir, hnit úr símanum og stutta lýsingu, áður en hann leggur af stað aftur.
Það sem þið fáið í hverju máli
Alltaf:
- bílnúmer og tegund atviks
- tímann þegar skráningin hófst
Ef ökumaður skráir:
- myndir af tjóninu, teknar frá réttum hornum eftir leiðbeiningum á staðnum
- staðsetningu úr síma ökumanns, með hans samþykki
- lýsingu ökumanns á því sem gerðist í hans eigin orðum
- hvar á bílnum tjónið er
- í árekstri, sérstaka skýrslu frá hinum ökumanninum ef hann skráir líka
Hvað breytist hjá ykkur
- Þið sjáið tjón á flotanum á einum stað, líka þau sem þið gerið upp sjálf og sendið aldrei til tryggingafélags.
- Málið kemur inn tilbúið til vinnslu, svo enginn þarf að elta upplýsingar sem gleymdust á staðnum.
- Í árekstri fáið þið líka myndir og frásögn hins ökumannsins, áður en sögurnar skiljast að.
- Þið sjáið hvar málið stendur án þess að hringja.
Hvernig þetta lítur út hjá ykkur
Bílaleigur
Viðskiptavinur skemmir bíl úti á landi og skráir tjónið í Meda á staðnum. Þegar bílnum er skilað eru myndirnar og lýsingin þegar komnar til ykkar, í stað þess að þið þurfið að spyrja og giska eftir á.
Tryggingafélög
Tjónateymið opnar mál þar sem myndir, hnit og lýsing liggja fyrir frá vettvangi. Færri símtöl þarf til að afla þess sem vantar. Bótaákvörðun og uppgjör geta byrjað strax.
Vegaaðstoð
Við skoðum með fyrirtækjum í vegaaðstoð hvort sama skýrsla geti fylgt beiðni um aðstoð: nákvæm staðsetning, mynd af aðstæðum og hvað bilaði. Þetta er á byrjunarstigi og við mótum það með þeim sem vilja prófa.
Fyrirtæki með bíla í rekstri
Sendibílar, verktakar, leigubílar, sveitarfélög. Stór hluti tjóna á eigin flota fer aldrei til tryggingafélags og er hvergi skráður. Með Meda skráir ökumaðurinn atvikið á staðnum og þið fáið yfirsýn yfir tjón á flotanum, líka þau sem þið gerið upp sjálf.
Reynslan á bak við Meda
Meda er byggð af fólki sem hefur unnið lengi við tjónaferli og stafræna þjónustu. Við höfum séð hvað gerist þegar fyrsta skráning er ófullnægjandi.
Við hönnuðum Meda með ökumann í huga. Hann stendur við bílinn, oft stressaður og með takmarkaðan tíma og spyr sig: hvað geri ég næst? Skýrslan á að vera tilbúin til vinnslu þegar hún berst ykkur.
Það þarf litlu að breyta til að byrja
Þið ákveðið hvernig ökumaðurinn opnar Meda og með hvaða hætti skýrslan berst ykkur. Hægt er að byrja einfalt og bæta við dýpri tengingu þegar þið viljið.
Hvernig ökumaðurinn opnar Meda:
- QR-kóði í hanskahólfi bílsins eða á lyklakippu
- tengill sem starfsfólk ykkar sendir ökumanni í SMS
Hvernig skýrslan berst ykkur:
- vinnuborð þar sem þið sjáið málin koma inn
- beint inn í ykkar kerfi
Þið getið prófað Meda án þess að breyta ykkar kerfum. Beina tengingu setjum við svo upp þegar tilraun hefur sýnt að þetta virkar fyrir ykkur.
Byrjum á afmarkaðri tilraun
Best er að byrja smátt og skýrt: hluti flotans, ein tegund tjóns eða einn þjónustuferill.
Á nokkrum vikum sjáum við svart á hvítu:
- hve margir ökumenn klára skýrsluna
- hvort starfsfólk getur unnið málið án þess að hringja til baka
- hversu mikið símtölum og tölvupóstum fækkar í hverju máli
- hvaða tenging við ykkar kerfi skiptir mestu
Þú nærð í okkur á meda@meda.is